Ç’FARË ËSHTË DHUNA NË FAMILJE?

Dhuna në familje është dhuna mes partnerëve në lidhje, kur njeri person përpjeket të kontrollojë tjetrin, me ç’rast ai i cili ushtron dhunë përdor frikësimin dhe kërcënimet apo dhunën fizike.

Dhuna në familje mund të rritet nga kërcënimet, përmes abuzimit verbal dhe emotiv, deri tek dhuna fizike që ndonjëherë mund të përfundojë me vrasje.

Cilat janë llojet e dhunës familjare?

Abuzimi fizik

• Përdorimi i forcës fizike (shtyrje, goditje, rrahje) apo armeve me qellim kërcënimin, dënimin, dominimin, kontrollimin dhe dëmtimin e personit tjetër.

Abuzim emotiv ose verbal

• Përdorimi i ndryshëm i strategjive mendore (fyerjet, kërcënimet, frikësimi, zemërimi, britmat);
• Të përqeshurat, talljet,bezdisjet, tyrpërimi i partnerit në vende publike apo para të afërmëve dhe familjes;
• Kritikat apo nënçmimet për arritjet apo synimet;
• Pronësia, kontrolli i tepruar, kontroll joproporcional, izolimi i partnerit nga familja dhe shoqëria.

Abuzimi seksual

• Të detyruarit me dhunë në veprime të padëshiruara apo akte degraduese, ngacmim seksual.

Abuzimi material

• Shkatërrimi i pronës personale apo mohim i të hollave për ushqim dhe nevoja tjera.

Ndjekja

• Ndjekja e çdo hapi të partnerit, përgjimi i telefonit apo ngacmimet përmes telefonit.