GJATË MUAJIT TETOR, LINJA NACIONALE SOS KA MARRË 282 THIRRJE

Linja nacionale SOS për viktima të dhunës në familje,në periudhën prej 01 Tetor deri me 31 Tetor  të vitit 2016 ka marrë gjithsej 282 thirrje.

Gjatë muajit të kaluar janë ofruar gjithsej 389 shërbime, nga të cilat 183 kanë qenë shërbime informative, pastaj 108 anonime, 46 këshillime psikologjike, 14 ndërmjetsime kah institucionet, 9 intervenime urgjente për ndihmë, 5 kërkesa për strehim dhe të tjera.

Në muajin Tetor thirrjet janë raportuar nga 13 komuna në Mal të Zi. Më së shumti thirrje janë bërë nga Nikshiqi – 80, pastaj nga Podgorica 72, Tivari 25, Kotorri 20, Herceg Novi dhe Budva nga 19, Rozhaja 12 thirrje, Bijello Pole dhe Cetinja nga 10, Plevla 6, Plava 3 dhe Tivati 2 thirrje.

Linja nacionale SOS është falas për thirrjet nga cilido rrjet në Mal të Zi dhe është në dispozicion 7 ditë në javë. Ky lloj shërbimi paraqet kontaktin e parë dhe më të rëndësishëm për mbështetjen e viktimave të dhunës në familje. Këshilltaret të cilat punojnë në linjë kanë për detyrë ta forcojnë viktimën përmes bisedës, tu shërbejnë nevojave të tyre themelore, ti përkrahin për forcimin e kompetencave të tyre dhe për rikthimin e kontrollit mbi jetën e vet. Shërbimi forcon dhe i ofron mbështetje viktimës së dhunës përmes segmenteve të  rrallës: mbështetje emocionale, informim për mundësitë dhe të drejtat e viktimave të dhunës, konsultime dhe ndihmë në situatë krize, t’i drejtojë në organizata, intitucione tjera dhe këshillime psikologjike.